Dustin Hoffman

პირველი ოსკარი დასტინმა მიიღო 1980-იანი წლების დასაწყისში ფილმისთვის 'კრამერი კრამერის წინააღმდეგ'. მას ჰყავდა „ანტიგმირთა“ როლების ყველაზე დიდი ოდენობა იმდროინდელი ჰოლივუდის მსახიობთა შორის. დღემდე ჰოფმანი არის ერთ-ერთი ყველაზე შრომისმოყვარე მსახიობი, რაც გამოიხატება საკმაოდ დეტალურ რეპეტიციებში და კოლეგებისათვის დახმარებაში მათი პერსონაჟების უკეთ გაგებაში. ხშირად მას ეძახოდნენ თავისი საქმის ერთგულ პერფექციონისტადაც.

მსახიობის როლების ყულაბაში უამრავი ბრწყინვალე პერსონაჟია: მორცხვი ვაჟიშვილი ბენჯამინ ბრედოკი „კურსდამთავრებულიდან“, ინვალიდი ქურდი „ვირთხა“ რიცო „შუაღამის კოვბოიში“, ჭაღარა უცნაური მოხუცი ჯეკ კრები „პატარა დიდი კაცისგან“, იუმორისტი ლენი ბრიუსი „ლენიში“, კარლ ბერნსტინი „მთელი პრეზიდენტის გარემოცვაში“ და მარათონელი ტომას ლევი ერთსახელოვანი ფილმიდან. მაგრამ ყველაზე დიდი წარმატება ჰოფმანს მოუტანა მისმა ორმა ოსკარით დაჯილდოებულმა როლმა: განქორწინებული მამა ტედ კრამერი ფილმიდან „კრამერი კრამერის წინააღმდეგ“ და აუტისტი რეიმონდ ბებიტი „წვიმის კაცში“

ჰოფმანი - ორგზის კინოაკადემიის ოსკარის პრემიის ლაურეატი (1980,1989; ნომინირებული იყო კიდევ 5 ჯერ) ექვსგზის ოქროს გლობუსის პრემიის მფლობელი (1968, 1980, 1983, 1986, 1989, 1997, ნომინირებული იყო კიდევ 7 ჯერ), სამგზის BAFTA-სა (1969, 1970, 1984; ნომინირებული იყო კიდევ 5 ჯერ) და ემის პრემიის ლაურეატი. მსოფლიო კინემატოგრაფის დარგში მიღწეული წარმატებებისათვის ჰოფმანს მიესაჯა ბერლინის კინოფესტივალის საპატიო „ოქროს დათვი“ (1989) საპატიო პრემია „სეზარი“ (2009) და კინოხელოვნების ამერიკული ინსტიტუტის სპეციალური პრემია (1999).