Брендан Фрейзер

12 жасында Брендан лондон театрларының спектаклдеріне қатысады. Кейінірек, 2001 жылы олТеннеси Уильямстың «Қатты қызған шатырдағы мысық» атты лондондық Вест-Энд хитында театрлық рөл ойнайды. Брендан Фрэйзер актёрлік кәсіпті Торонто мен Сиэтлде зерделейді. Фрэйзер киноға 1991 жылдан бастап түсіп келеді. Бастапқыда оған тартымсыз комедияларда ойнауға тура келеді, мысалы «Іші қуыс бастар» комедиясы. Фрэйзер алғаш рет «Тарзан» фильміне арналған «Джунглиден келген Джордж» пародиясында бас рөлді және шытырман оқиғалы «Мумия» фильміндегі Ричард О’Коннеллді ойнап, жұртшылыққа танылады. 1997 жылы Иэн Маккелленмен бірге триллерлер режиссері Джеймс Уэйл туралы «Құдайлар мен құбыжықтар» атты ғұмырнамалық фильмінде ойнайды, Фрэйзер драмалық рөлдерді жақсы ойнайтындығын тамаша дәлелдей білді. 2002 жылы Фрэйзер Майкл Кейннің қатысуымен түсірілген Грэм Гриннің «Жуас американдық» романы желісімен шығарылған фильмде бас рөлді ойнайды, соңынан өз шығармашылығында маңызды рөлдерге ден қояды.

1998 жылдың қыркүйегінде Фрэйзер өзінің байырғы құрбысы актриса Афтон Смитке үйленеді. Олардың үш баласы бар: Гриффин Артур (2002ж. туылған), Холден Флетчер (2004ж. туылған) және Леланд (2006ж. туылған). Фрэйзердің жұбайы одан бір жас үлкен. 2007 ж. желтоқсанжа жұбайлар ажырасатындығы туралы мәлімдеді.

Фрэйзер АҚШ пен Канаданың азаматы, французша жақсы сөйлейді. Фрэйзер фотографиямен шұғылданады.